ਜੇਐਲ ਨਿਊਜ਼ / JL NEWS
ਅੰਮ੍ਰਿਤਸਰ(ਪੰਜਾਬ) / 14-05-2026
(ਰਿਪੋਰਟ – ਮਨਜੀਤ ਸਿੰਘ)
ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨ ਦੇ ਮਕਸਦ ਨਾਲ ਐੱਨ. ਆਰ. ਆਈਜ਼ ਤੇ ਇਲਾਕਾ ਨਿਵਾਸੀਆਂ ਦੇ ਅਹਿਮ ਸਹਿਯੋਗ ਸਦਕਾ ਸਾਲਾਨਾ ਵਿਸ਼ਾਲ ਕਬੱਡੀ ਕੱਪ 17 ਮਈ ਨੂੰ ਪਿੰਡ ਭੋਤਨਾ ਦੀ ਖੇਡ ਗਰਾਂਉਡ ‘ਚ ਧੂਮਧਾਮ ਨਾਲ ਕਰਵਾਇਆ ਜਾਵੇਗਾ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਪਾਲੀ ਸੇਖੋਂ ਸਿੰਘਾਪੁਰ ਤੇ ਸੰਤੋਖ ਸਿੰਘ ਸਿੰਘਾਪੁਰ ਨੇ ਕਿਹਾ ਕਿ ਸਵ. ਮਾਤਾ ਬਲਜੀਤ ਕੌਰ ਦੀ ਮਿੱਠੀ ਯਾਦ ਨੂੰ ਸਮਰਪਿਤ ਕਰਵਾਏ ਜਾਣ ਵਾਲੇ ਇਸ ਕਬੱਡੀ ਕੱਪ ‘ਚ ਉੱਚ ਕੋਟੀ ਦੇ ਪ੍ਰਸਿੱਧ ਖਿਡਾਰੀਆਂ ਦੀਆਂ ਨਾਮੀਂ ਟੀਮਾਂ ਦਰਮਿਆਨ ਫਸਵੇਂ ਮੁਕਾਬਲੇ ਹੋਣਗੇ। ਜਿੰਨਾ ‘ਚੋਂ ਜੈਤੂ ਰਹਿਣ ਵਾਲੀ ਟੀਮ ਨੂੰ 31ਹਜ਼ਾਰ ਰੁਪਏ, ਤੇ ਉਪ ਜੇਤੂ ਰਹਿਣ ਵਾਲੀ ਟੀਮ ਨੂੰ 21 ਹਜ਼ਾਰ ਰੁਪਏ ਅਤੇ ਸਨਮਾਨ ਚਿੰਨ ਦੇ ਕੇ ਨਿਵਾਜਿਆ ਜਾਵੇਗਾ।
ਪਾਲੀ ਸੇਖੋਂ ਸਿੰਘਾਪੁਰ ਤੇ ਸੰਤੋਂਖ ਸਿੰਘ ਸਿੰਘਾਪੁਰ ਨੇ ਕਿਹਾ ਕਿ ਕਬੱਡੀ ਕੱਪ ਦੌਰਾਨ ਚੰਗਾ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਅਤੇ ਖਾਸਕਰ ਮਾਤਾ ਬਲਜੀਤ ਕੌਰ ਯਾਦਗਾਰੀ ਕਮੇਟੀ ਵੱਲੋਂ ਖਿਡਾਰੀਆਂ ਦਾ ਵਿਸ਼ੇਸ਼ ਢੰਗ ਦੇ ਨਾਲ ਵੀ ਸਨਮਾਨ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਇਸ ਕਬੱਡੀ ਕੱਪ ਦੀਆਂ ਤਿਆਰੀਆਂ ਬੜੇ ਉਤਸ਼ਾਹ ਨਾਲ ਕੀਤੀਆ ਜਾ ਰਹੀਆ ਹਨ। ਕਬੱਡੀ ਕੱਪ ਵੇਖਣ ਵਾਲੇ ਸਮੂਹ ਦਰਸ਼ਕਾਂ ਵਾਸਤੇ ਕਬੱਡੀ ਕੱਪ ਕਰਵਾ ਰਹੀ ਸਮੂਹ ਟੀਮ ਵੱਲੋਂ ਸੁਖ ਸੁਵਿਧਾਵਾਂ ਵਾਸਤੇ ਖਾਸ ਇੰਤਜ਼ਾਮ ਕੀਤੇ ਜਾ ਰਹੇ ਹਨ। ਜਿਸ ਵਿੱਚ ਕਬੱਡੀ ਕੱਪ ਮੈਚ ਦੇਖਣ ਆਏ ਸਮੂਹ ਦਰਸ਼ਕਾਂ ਨੂੰ ਕਿਸੇ ਵੀ ਮੁਸ਼ਕਲ ਦਾ ਸਾਹਮਣਾ ਨਾ ਕਰਨਾ ਪਵੇ ਅਤੇ ਨਾਲ ਹੀ ਖਾਸ ਤੌਰ ਤੇ ਕਬੱਡੀ ਕੱਪ ਵਿੱਚ ਭਾਗ ਲੈ ਰਹੀਆਂ ਵੱਖ ਵੱਖ ਟੀਮਾਂ ਵਾਸਤੇ ਖਾਸ ਇੰਤਜ਼ਾਮ ਕੀਤੇ ਜਾ ਰਹੇ ਹਨ। ਪ੍ਰਬੰਧਕ ਪਾਲੀ ਸੇਖੋਂ ਸਿੰਗਾਪੁਰ ਅਤੇ ਸੰਤੋਖ ਸਿੰਘ ਸਿੰਘਾਪੁਰ ਵੱਲੋਂ ਕਿਹਾ ਗਿਆ ਕਿ 17 ਮਈ ਨੂੰ ਵੱਧ ਤੋਂ ਵੱਧ ਲੋਕ ਭਾਰੀ ਇਕੱਠ ਵਿੱਚ ਮੈਚ ਵੇਖਣ ਆਉਣ ।ਸਾਡੀ ਸਮੂਹ ਟੀਮ ਵੱਲੋਂ ਸਮੂਹ ਟੀਮਾਂ ਅਤੇ ਸਮੂਹ ਦਰਸ਼ਕਾਂ ਦਾ ਸਵਾਗਤ ਕੀਤਾ ਜਾਂਦਾ ਹੈ ਅਤੇ ਜੀ ਆਇਆ ਆਖਿਆ ਜਾਂਦਾ ਹੈ।
