ਜੇਐਲ ਨਿਊਜ਼ / JL NEWS
ਖੰਨਾ(ਪੰਜਾਬ) / 30-05-2026
(ਰਿਪੋਰਟ:- ਜੇ ਪੀ ਸਿੰਘ, ਸੁਖਦੇਵ ਸਿੰਘ)
ਖੰਨਾ-ਸਮਰਾਲਾ ਮੁੱਖ ਮਾਰਗ ‘ਤੇ ਬਣੇ ਪੁਲ ਦੀ ਹਾਲਤ ਬੇਹੱਦ ਖਸਤਾ ਹੋ ਚੁੱਕੀ ਹੈ।*[ਤਸਵੀਰ ‘ਚ ਸਾਫ ਦਿਖ ਰਿਹਾ]* ਪੁਲ ‘ਤੇ ਡੂੰਘੇ ਟੋਏ ਤੇ ਸੜਕ ‘ਚ ਦਰਾੜਾਂ ਦਾ ਜਾਲ ਵਿਛਿਆ ਪਿਆ ਹੈ। ਬਾਈਕ, ਕਾਰ, ਆਟੋ ਸਭ ਨੂੰ ਲੰਘਣ ਲਈ ਜਾਨ ਜੋਖਮ ‘ਚ ਪਾਉਣੀ ਪੈ ਰਹੀ ਹੈ।
ਮੌਕੇ ਦੇ ਹਾਲਾਤ:*
ਟੋਇਆਂ ਤੋਂ ਬਚਦੇ ਹੋਏ ਦੋ-ਪਹੀਆ ਵਾਹਨ ਚਾਲਕ ਸੰਤੁਲਨ ਗੁਆ ਕੇ ਡਿੱਗ ਰਹੇ ਹਨ। ਕਾਰਾਂ ਦੇ ਟਾਇਰ-ਰਿਮ ਟੁੱਟਣ ਦੀਆਂ ਸ਼ਿਕਾਇਤਾਂ ਆਮ ਹੋ ਗਈਆਂ। * ਖਰਾਬ ਸੜਕ ਕਾਰਨ ਵਾਹਨ ਹੌਲੀ ਚੱਲਦੇ ਹਨ, ਜਿਸ ਨਾਲ ਪੁਲ ‘ਤੇ ਲੰਮੇ ਜਾਮ ਲੱਗ ਰਹੇ ਨੇ। ਐਂਬੂਲੈਂਸ ਵੀ ਫਸ ਜਾਂਦੀ ਹੈ। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਬਰਸਾਤ ‘ਚ ਇਹ ਟੋਏ ਪਾਣੀ ਨਾਲ ਭਰ ਜਾਣਗੇ ਤੇ ਦਿਖਣੇ ਬੰਦ ਹੋ ਜਾਣਗੇ। ਫਿਰ ਹਾਦਸੇ ਹੋਰ ਵਧਣਗੇ।
ਲੋਕਾਂ ਦਾ ਸਵਾਲ:*
“ਹਰ ਸਾਲ ਟੈਕਸ ਵੀ ਦਿੰਦੇ ਹਾਂ, ਟੋਲ ਵੀ ਦਿੰਦੇ ਹਾਂ। ਫਿਰ ਸੜਕਾਂ ਦੀ ਮੁਰੰਮਤ ਕਿਉਂ ਨਹੀਂ ਹੁੰਦੀ? ਕਰੋੜਾਂ ਦੇ ਬਿੱਲ ਕਿੱਥੇ ਜਾਂਦੇ ਹਨ? ਪ੍ਰਸ਼ਾਸਨ ਤੇ PWD ਵਿਭਾਗ ਕੁੰਭਕਰਨੀ ਨੀਂਦ ਸੁੱਤਾ ਪਿਆ ਹੈ।”
